Sostiéner los paisans dens los lors projèctes d’installacion e d’investiment

Lo Conselh generau que sostien l’installacion deus joens paisans. Que'us perpausa ua ajuda taus joens agricultors (AJA). Aqueth dispositiu que complèta la Dotacion Joen Agricultor (DJA) d’Estat.

Qu'amelhora las condicions de vita e de tribalh deus agricultors. Que perpausa ua ajuda tà çò de l'abitat autonòme deus paisans joens.
Que favoriza l’organizacion de las espleitacions agricòlas e la redusida de las cargas mercés a investiments collectius de las CUMA e que participa a las reflexions collectivas entà amelhorar l’organizacion deu tribalh e de la man d’òbra dens las espleitacions.
Que sostien financèrament los paisans pertocats per eveniments excepcionaus (eveniments climatics, malaudias deu bestiar…) en complement deus procediments oficiaus d’Estat (calamitats agricòlas, …).

Que sostien las accions collectivas deus agricultors e de las hialèras. Qu'acompanha las hialèras agricòlas dens lo lor desvolopament. Que sostien tanben los paisans qui s’organizan collectivament entà har vàler las lors produccions e crear valor ajustada capvath deu territòri.