Sostiéner lo desvolopament e la competitivitat de las enterpresas

> Contactes

Direccion deu desvolopament
Industria, Universitat e Recèrca
Valérie Berthoumieu
Christophe Voisin
05 59 11 44 40 / 05 59 11 44 49

Delegacion de Baiona
Mathieu Dutilh
05 59 46 50 88

A véder tanben dens lo site :

· Ajudar lo desvolopament de la recèrca e de l’innovacion de las enterpresas

Tà'n saber mei :

· Oseo

Lo Conselh generau qu'acompanha lo desvolopament de las enterpresas industriaus o de servici a l’industria :

> Que sostien financèrament las enterpresas dens l'encastre :

deus projèctes lors d’investiments immobiliaris quan aqueths e hèn vàder emplecs e que son ligats a la creacion o a la represa, au desvolopament, a la pravada o a l'implantacion d'activitats de produccion industriaus, de recèrca e desvolopament, o de servicis a l'industria.
de l’amelhoracion de la lor performància energetica e de la racionalizacion de l’emplec de las matèrias purmèras sensiblas : lo Conselh generau que finança los estudis purmèrs o l’assisténcia tecnica,
deu tractament deus regets industriaus (efluents liquides, gasós, o en fòrma de Composats Organics Volatiles : lo Conselh generau que finança ua partida deus estudis purmèrs e la mesa en òbra deus sistèmas de tractament),
d'afranquidas a l'expòrt tà la prospeccion de marcats navèths : lo Conselh generau que finança los estudis e las despensas engatjadas per l'enterpresa dens la soa afranquida,
de mesa en òbra d’un plan de restructuracion financèra o de la represa d’enterpresa en dificultat devath la fòrma d’ua avança remborsadera, en cofinançament dab los associats e los establiment financèrs.

> Lo Conselh generau qu'a tanben mei que mei desirat acompanhar duas hialèras estructurantas entà l’economia departamentau : l’aeronautica e l’agroalimentari. Las enterpresas sostractantas deu sector de l’aeronautica e las entrepresas de l’agroalimentari de mensh de 750 salariats que pòden beneficiar de contractes de desvolopament arron deus axes seguents :

ahortir la lor organizacion, lo lor sistèma de produccion, lo lor enquadrament,
desvolopar l’innovacion,
desvolopar los sistèmas d’informacion,
arrespectar l’environament,
har afranquidas tà l’exportacion,
ajudar a la creishença deu BFR : apròchi concertat deus besonhs de finançament de l’enterpresa qui posca estar ua intervencion en avança remborsadera o en guarantida (Fons 64).

Lo Conselh generau que s’ei dotat dempuish mantuas annadas d’un fons de guarantida, Fons 64, entà incitar las bancas, societats financèras, societats de capitau-risc e organismes de crèdit-balh a amiar finançaments a las PME en tot limitar la lor presa de risc en guarantir o contra-guarantir los concors autrejats.

En ua conjonctura malaisida, lo Conselh generau que sòrt de's dotar d’un dispositiu d’ajuda navèth de cap tà las PME-PMI deus sectors de la produccion e de l’aubergament toristic pertocats per la crisa economica. Aqueth dispositiu que vien dab lo hicat en plaça per l’Estat entà guarantir los prèsts bancaris e las avanças sus dinererias qui an besonh aqueras enterpresas. Lo Conselh generau que'us perpausa, tà completar ua intervencion bancària en mejan tèrmi, ua avança remborsadera a taus zèro, per ua durada de tres a sèt ans e d’un montant maximau deu prèst bancari, qui posca variar de 5 000 dinc a 50 000 €.

Que persegueish la soa accion de cap tà las hèra petitas enterpresas (TPE), de l’artisanat e deu comèrci mercés a tres dispositius d’ajudas dirèctas :

investiments immobiliaris, e còps que i a, a l'atruna de produccion, en perméter atau d'ahortir la competitivitat de las enterpresas aqueras.
embaucha d’un segond deu patron entà acompanhar l’enterpresa en l’evolucion de la soa estructuracion o aprestar la soa transmetuda.
l’aumentacion de fons de prèsts de las Platafòrmas d’Iniciativas Locaus, entau finançament de la creacion e de la transmission d’enterpresas.

Tà'n saber mei: Mapa de las enter presas installadas en Pirenèus Atlantics