Simplificar la vita vitanta a casa deus handicapats

La Prestacion de Compensacion deu Handicap (PCH) que remplaça de 2006 enlà l’allocacion compensaira entà tèrça persona.

Favorizar lo mantien a casa

L’ajuda domestica

L'ajuda domestica qu'ei ua prestacion legau, acordada aus qui an besonh, entà demorar a casa, d'ua ajuda materiau entà har los actes de la vita vitanta.
Qu'ei balhada concretament dab servicis domestics, o segon las condicions en espècias, dab ua allocacion.

Tota demanda d’ajuda sociau tà la presa en carga deus frais d’ajuda domestica que deu estar pausada au près deu C.C.A.S, deu C.I.A.S o de la Mairia de la comuna deu domicili de secors deu demandaire qui constitueish lo dossièr e qui'u transmet dens un delai d’un mes aus servicis deu Departament.
Ua participacion financèra que demora a la carga deu beneficiari, lo son montant qu'ei fixat tot an peu President deu Conselh generau.

Lo portatge de repaish a casa

L'ajuda sociau que pòt préner en carga los frais de repaish en larèr restaurant o los repaishs portats a casa per un servici abilitat tà l’ajuda sociau.
Aqueths mantuns servicis que horneishen aus vielhs repaishs a prètz moderats.
Los beneficiaris que participan aus frais de repaish. La lor participacion qu'ei compresa enter un minímum e un maxímum fixat tot an peu President deu Conselh generau.
Tota demanda de presa en carga deus frais de prestacion repaish qu'a d'estar posada au près deu C.C.A.S, deu C.I.A.S o de la Mairia de la comuna deu domicili de secors deu demandaire qui constitueish lo dossièr e qui'u transmet dens un delai d’un mes aus servicis deu Departament.

Adaptar lo lotjament au handicap

Lo Conselh generau que finança la totalitat deus tribalhs entà rénder mei accessible lo dehens e lo dehòra deu lotjament si còstan mensh de 1500 euros. Quan n'ei pas lo cas, que pòt dar ua ajuda maximau de 10 000 euros per ua tempsada de 10 ans.

L’acompanhament a la vita sociau (MDPH)

Creada en  2006, la Maison Departamentau de las Personas Handicapadas qu'ei presidida e  pilotada peu Conselh generau. Uishet unic, qu'instruseish los dossièrs de demanda de PCH e que balha la reconeishença de tribalhador handicapat. Com a tanben per mission de desvolopar la formacion, l’insercion e l’emplec, que pòt balhar ua ajuda entà elaborar un projècte professionau personalizat.
Los servicis d’ajuda a la vita sociau (S.A.V.S.) que son tà ajudar a realizar lo projècte de vita deus adultes handicapats, dab un acompanhament adaptat en favorizar lo mantien o la restauracion deus lors ligams familiaus, sociaus, escolars, universitaris o professionaus e en ajudar lo lor accès a l'ensemble deus servicis auhèrts per la collectivitat.
 
Tà'n saber mei : Referenciau deus mestièrs de l’ajuda a casa entaus professionaus