Perpausar responsas adaptadas a las situacions de dangèr entau mainat

Que tribalha arron de dus axes :

Lo servici qu'organiza las accions de prevencion collectiva (au près de Centres sociaus, deus Larèrs de joens tribalhadors en partenariat dab las Caishas d’Allocacions Familiaus (C.A.F.) e dab las comunas tà çò de las MJC).
Lo Conselh generau que finança tanben las 4 associacions de prevencion especializada qui an la mission de redusir los riscs de marginalizacion deus joens.
Au títol de la prevencion individuau, l’A.S.E. qu'ajuda las familhas qui se'n veden, en dar-las un sostien materiau (ajudas financèras), educatiu e psicologic : ajuda educativa a casa, contractes joens majors d'edat, etc.

L’Ajuda Sociau a l'Enfança que hè vàler en prioritat lo mantien deu mainat dens la familha, en tribalhar arron las condicions de vita e las relacions vadudas dificilas. Qu'ajuda e que sostien la parentalitat. Tecnicians de l'ajuda educativa que pòden interviéner quan hè hrèita.
Quan ua situacion familiau ei tròp guastada e que hica lo mainat en dangèr, lo servici de l'ajuda sociau a l'enfança qu'a de l'emparar. Si la situacion ac vòu, lo mainatge que pòt estar estremat deu demiei qui presenta un risc entà la soa santat, la soa moralitat e la soa espelida.
Aquera decision qu'ei presa dab l'acòrd deus servicis de l'Estat e deus servicis judiciaris.

La lei deu 15 de mars de 2007 relativa a l'empara de l’enfança que mentau que tot organisme qui òbra dab los mainats qu'a de senhalar las informacions chepicosas qui'us pertòcan, a la cellula departamentau de senhalament. Aquera cellula qu'amassa totas las informacions chepicosas deu Departament deus Pirenèus Atlantics.

A véder tanben : Lo projècte educatiu deu plaçament familiau