Perméter l'accès au lotjament, ajudar tà mantiéner-s'i

> Entà conéisher los vòstes drets :

Contactatz la Maison de la solidaritat mei pròcha de vòste

Lo lotjament e la solidaritat

La lei de decentralizacion de 2004 qu'a transferit au departament la responsabilitat sancèra de la gestion deu Fons de Solidaritat entau Lotjament (FSL). Dens la soa mission de solidaritat, lo FSL qu'a 3 objectius :

perméter l’accès a un lotjament decent : tad aquò, lo Conselh generau qu'acompanha lo monde dens las lors recèrcas e que'us pòt ajudar a har rampèu a las despensas d'entrada dens un lotjament navèth.
favorizar lo mantien dens lo lotjament si aqueste ei decent e adaptat a la situacion deu menatge. Conselhèrs en economia sociau e familiau que pòden interviéner entà que non i aja pas nada rompedura locativa.
perméter a tots de dispausar de horniduras elementàrias qui son l’aiga e l’electricitat.

Lo Conselh generau que participa tanben, au ras de l'Estat e de las comunas, a la luta contra l'abitat indigne.