Haurrarentzat lanjerosak diren egoerei erantzun egokiak proposatzea

Bi ardatz nagusi ditu:
 

Zerbitzuak prebentzio kolektiborako ekintzak antolatzen ditu (gizarte-etxeetan eta langile gazteen etxeetan, familia-laguntzarako kutxekin lankidetzan; eta MJCentzat, herriekin lankidetzan).
Horrez gain, Kontseilu Orokorrak gazteen bazterketa murrizteko helburua duten prebentzio berezituko 4 elkarteak finantzatzen ditu.
Bakarkako prebentzioari dagokionez, ASEk zailtasunak dituzten familiak sostengatzen ditu; hala, laguntza materiala (diru-laguntzak), hezkuntzazkoa eta psikologikoa ematen die: etxeko hezkuntza-laguntza, heldu gazteen kontratuak…

Haurrentzako gizarte-laguntzak ahaleginak egiten ditu haurra familian egon dadin, zailak bilakatuak diren harremanak eta bizi-baldintzak hobetzen saiatuz. Gurasotasuna laguntzen eta sostengatzen du. Behar izanez gero, hezkuntza-laguntzako teknikariek ere laguntzan parte har dezakete.
Familiako egoera sobera kaltetua bada eta haurra lanjerrean bada, haurrentzako gizarte-laguntzarako zerbitzuak babestu behar du. Egoerak hala behartzen badu, haurra bere osasunarentzat, moralitatearentzat eta zorionarentzat lanjerosa den ingurumenetik urrun daiteke.
Erabaki hori Estatuko zerbitzuekin eta justizia-zerbitzuekin batera hartzen da.

 

Haurren babesari buruzko 2007ko martxoaren 15eko legearen arabera, haurrekin aritzen den egitura orok haurrei buruz izan ditzakeen informazio kezkagarriak seinalatzeko departamenduko unitateari helarazi behar dizkio. Unitate horrek Pirinio Atlantikoetako informazio kezkagarri guziak zentralizatzen ditu.

Ikus, bestalde: Haurrak familietan ezartzearen hezkuntza-proiektua