Enpresen garapena eta lehiakortasuna sostengatzea

> Harremanetarako :

Garapenaren zuzendaritza
Industria, Unibertsitatea eta Ikerketa
Valérie Berthoumieu
Christophe Voisin
05 59 11 44 40 / 05 59 11 44 49

Baionako ordezkaritza
Mathieu Dutilh
05 59 46 50 88

Webgunean, hauek ere kontsulta daitezke:

· Ikerketaren eta enpresen berrikuntzaren garapena laguntzea

Informazio gehiago:

· Oseo

Kontseilu Orokorrak enpresa industrialen eta zerbitzu industrialeko enpresen garapena laguntzen du:

> Enpresak diruz laguntzen ditu, arlo hauetan:

higiezinen inbertsio proiektuetan, baldin eta proiektuek enpleguak eragiten badituzte eta industria, ikerketa eta garapen ekoizpen aktibitateak edo industriarenganako zerbitzuak sortzea edo erostea, garatzea, hedatzea edo ezartzea ahalbidetzen badute.
energia-gaitasunen hobekuntzan eta lehengai sentsibleen erabileraren arrazionalizazioan: Kontseilu Orokorrak aurretiazko ikerketak eta laguntza teknikoa finantzatzen ditu,
industria-hondakinen tratamenduan (likido edo gas efluenteak edo Osagai Organiko Lurrunkor motakoak): Kontseilu Orokorrak aurretiazko ikerketen zati bat eta tratamendu-sistemak ezartzeko lanak finantzatzen ditu,
merkatu berrien prospekziorako esportazio-desmartxetan: Kontseilu Orokorrak ikerketak eta enpresak desmartxa horretan izandako gastuak finantzatzen ditu,
finantza berregituratzeko planaren eraketan edo zailtasunak dituen enpresa baten berrerosketan; horretarako, diru-aurrerakin itzulgarria prestatzen die, kideekin eta finantza-erakundeekin batera

> Bestalde, Kontseilu Orokorrak departamenduko ekonomia egituratzen duten bi sektore lagundu nahi izan ditu: aeronautika eta nekazaritzako elikagaiak. Aeronautikaren sektoreko azpikontratazioko enpresek eta nekazaritzako elikagaien arloko 750 langiletik beheitiko enpresek garapen-kontratuak ukan ditzakete, ardatz hauen inguruan:

antolaketa, ekoizpen-sistema, arduraduntza sendotzea,
berrikuntza garatzea
informazio-sistemak garatzea
ingurumena babestea
esportaziorako desmartxak
BFR (Erabilera-funtsa beharra) handiarazteko laguntza: enpresaren finantzamendu-beharrak era adostuan aztertzea, eta horren ondorioz, diru-aurrerakin itzulgarria edo bermea ematea (Fonds 64 funtsa).

Kontseilu Orokorrak Fonds 64 izeneko berme-funtsa sortu zuen aspaldi, bankuak, finantza-erakundeak, arrisku-kapitaleko sozietateak eta alokairu-kredituko organismoak ETEak (Enpresa Txiki eta Ertainak) finantzatzera bultzatzeko; izan ere, funts horri esker, arrisku gutiago har dezakete, emandako laguntzei bermea edo kontra-bermea ezarriz.

Testuinguru korapilatsu honetan, Kontseilu Orokorrak krisia ekonomikoaren kalteak jasan dituzten ekoizpenaren eta turismo-harreraren arloetako ETE-ITEak laguntzeko gailu berria sortu du. Tresna hori Estatuak enpresa horiek behar dituzten banku-maileguak eta altxortegi-aurrerakinak bermatzeko sortutako gailuaren osagarria da. Kontseilu Orokorrak enpresa horiei, epe ertaineko banku-laguntzaz gain, %0-ko tasako aurrerakin itzulgarria proposatzen die, hiru eta zazpi urte arteko eperako; zenbatekoa maileguaren zenbatekora mugatua da, eta 5.000 eta 50.000€ artekoa izan daiteke.

Oso enpresa txikienganako (TPE), artisautzarenganako eta merkataritzarenganako ekintza segitzen du, laguntza zuzeneko hiru tresnari esker:

higiezinetan inbertitzea eta ekoizpen-tresnetan hornitzea, enpresa horien lehiakortasuna indartzeko.
enpresaburuaren laguntzailea enplegatzea, enpresa egituraketa-bilakaeran laguntzeko edo transmisioa prestatzeko.
Tokiko Ekimenen Plataformen mailegu-funtsak esleitzea, enpresen sorrera eta transmisioa finantzatzeko.

Informazio gehiago: Pirinio Atlantikoetako enpresen mapa