Encoratjar l'estructuracion de las hialèras agricòlas e ahortir las afranquidas de qualitat

> Contactes :

Direccion deu Desvolopament
Agricultura
Estelle Salvayre
05 59 11 44 14

Delegacion de Baiona
Michel Bidegain
05 59 40 50 66

Lo Conselh generau qu'encoratja las afranquidas de qualitat, creatoras de valor ajustada

Qu'ahorteish la securitat sanitària de las produccions, sòla de la qualitat e de la traçabilitat deus produits. Que sostien las produccions dab signes oficiaus de qualitat, marca de reconeishença de la qualitat deus produits e deu terrador dont son gessits entaus consomators atau com la lor transformacion per las enterpresas e las lors cooperativas.

Lo Conselh generau que sostien ua agricultura respectuosa de l’environament

Lo dispositiu AREA (Agricultura Respectuosa de l’Environament en Aquitània) qu'ei cofinançat per l’Euròpa e la Region. Qu'a com objectiu de perméter la mesa a las nòrmas environamentaus de las espleitacions agricòlas. Lo Conselh generau que sostien tanben las iniciativas collectivas qui son tà desvolopar practicas agricòlas respectuosas de l’environament atau com l’agricultura biologica.

Que tribalha au mantien de l'atractivitat deu territòri noste

Lo Conselh generau que sostien los projèctes de desvolopament deus sistèmas agro-pastoraus e horastèrs. Aquera accion agricòla de valorizacion deus territòris de montanha e de seuva qu'a dus axes :

Sostiéner lo desvolopament de las activitats economicas silvo-pastoraus (produits de montanha, lenha energia...)
Sostiéner e har vàler las practicas agricòlas duraderas (sistèmas pastoraus e gestion horastèra duraders)