Desvolopar la practica esportiva

Servici Educacion Espòrt
Ressorças esportivas
Sylvie DAVID
05 59 11 40 39

Centre departamentau Nelson Paillou
12, Carrèra Professor Garrigou Lagrange
64000 Pau
05 59 14 19 19

Antena de Baiona
2 alèia de las Platanas
64100 Baiona
05 59 52 17 81

A véder tanben dens lo site :

· Amainatjar e entertiéner los sendèrs de rondalei

· Desvolopar l'espòrt adaptat e la practica esportiva deus joe ns

Tà'n saber mei :

· Hialat espòrt

· Ajuda tà organizar manifestacions esportivas

Lo departament que sostien financèrament l'ensemble deus clubs formators, deu clubòt de vilatge o de quartièr dinc aus clubs de haut nivèu dab los quaus a teishut un partenariat. Qu'intervien tanben dens l'encastre de quauquas manifestacions esportivas entà miar un sostien financèr e logistic.

Lo Conselh generau qu'acompanha tanben lo desvolopament deus espòrts de plea natura com la rondalejada per exemple, en ua volontat de desvolopar las causidas de las practicas esportivas.

Mes l’animacion esportiva qu'ei màgerment assegurada peus clubs e associacions esportivas qui teishen un hialat capvath deu departament. Lo Conselh generau que sostien los benevòles (gavidaires, entrainaires, arbitres) indispensables a la vita deus clubs e qu'amia la soa ajuda ad aqueths actors de la vita esportiva suu terrenh mercés au hialat espòrt 64.

Hialat espòrt 64

Pòle màger deu hialat Espòrt64, lo centre departamentau Nelson Paillou qu'ei un lòc d'escambis e de servicis entaus comitats esportius departamentaus.
Aqueths que benefician d'espacis de tribalh e d'amassadas, de servicis logistics atau com d'ua ajuda au montatge deus lors projèctes.

Las missions deu centre Nelson Paillou :

Acompanhar los benevòles de l'espòrt (formacion, organizacion de manifestacions, ajuda juridica...)
Perméter a tots los publics d'accedir a l'informacion esportiva (mediatèca...)
Acompanhar los « joens espèrs » dab l'associacion Prytanée esportiu (aubergament, seguit escolar, dietetic, medicau e psicologic, sensibilizacion a l'etica esportiva...)
Sostiéner los projèctes de desvolopament individuaus e collectius

Lo centre qu'a tanben ua antena a Baiona.

L’acompanhament deus actors de l'espòrt

Lo Departament que finança la formacion federau deus quadres benevòles entà amelhorar l’enquadrament deus esportius ; qu'ajuda financèrament a aquesir materiau esportiu e que participa au finançament deus desplaçaments collectius de las equipas d'esportius de mensh de 18 ans engatjats en campionat de França.

A véder tanben : Ajuda tà organizar manifestacions esportivas