Desvolopar l'espòrt adaptat e la practica esportiva deus joens

> Contacte :
Servici Educacion Espòrt
Ressorças esportivas
Sylvie DAVID
05 59 11 40 39

Lo Conselh generau que mia ua politica especifica cap a publics prioritaris com los handicapats, los collegians e los joens espèrs de l'espòrt :

Lo Departament que subvenciona las associacions escolaras entà l’organizacion de competicions departamentaus e los escambis enter espòrt escolar e espòrt federau. Que sostien las activitats esportivas periescolaras e las seccions esportivas deus collègis entà perméter aus collegians de conciliar los estudis dab ua practica regulara de l'espòrt.
Los joens espèrs : que sostien los espèrs de l'espòrt en finançar las estructuras encargadas de l'acompanhament educatiu tau com lo Prytanée esportiu qui assegura sostien escolar, seguit medicau, psicologic, dietetic. De mei, lo Conselh generau deus Pirenèus Atlantics que pòt balhar ajudas financèras personalizadas a las familhas deus espèrs entà que poscan integrar, dens condicions de las mei bonas, lo Prytanée esportiu.
Dab l'amira de har vàler l'accessibilitat a las practicas esportivas peus publics empachats, lo Departament qu'intervien entà aquesir materiaus especifics qui permétian aus handicapats de descobrir sensacions esportivas navèras : handisurf, handiski, vela, equitacion…