Denek etxebizitza ukan dezaten ahalegintzea

> Harremanetarako
Garapenaren zuzendaritza
Etxebizitza eta jabetza
Sandra Mirailh
05 59 11 44 23

Departamenduko elkartasunaren zuzendaritza
Etxebizitza-elkartasunerako funtsa
Bizitoki hondatuak
Juliette Filleau
05 59 11 46 09

Kontseilu Orokorrak jabe bilakatzen lagun zaitzake

- Irabazi apalak dituen adin guzietako jendearentzat, Kontseilu Orokorrak etxebizitza lortzeko laguntza-gailuak martxan jarri ditu:

Apports personnels 64, familia gazteak jabe bilakatzeko diru-ekarpena osatzen laguntzeko, Gizarte Akzesiorako Kreditua (PAS) edo Alokatzeko/Akzesiorako Gizarte Kreditua (PSLA) erabiliz HLM organismoek daramatzaten ekintzen karietara.

PASS Foncier delakoa lurren eta etxeen garestitasunari aurre egin behar dioten irabazi apaleko familientzako laguntza-gailu berritzaile eta sinplea da. Pirinio Atlantikoetako Departamenduak hainbat irizpide betetzen dituzten familiei 4.000€-ko saria eman diezaieke; horri esker, familia horiek %5,5eko BEZeko etxebizitza eros dezakete, diru-itzultze gibelatuko kreditua ukan, %0-ko tasako kreditua bikoiztu, etab.

- Horrez gain, Kontseilu Orokorrak espekulazioaren kontrako klausulak izenpetu ditu departamenduko alokatzaile sozialekin.

- Laborari gazteen bizitoki autonomoaren aldeko laguntza martxan jarri du.

Zu ere lagun zaitzake, alokatzeko zailtasunak badituzu

Kontseilu Orokorrak etxebizitza lortzeko fidantza finantzatzen lagun zaitzake, etxebizitza-elkartasunerako funtsaren bidez.

Bestalde, Kontseilu Orokorrak bizitoki ez duinen kontra borrokatzeko konpromisoa hartu du, “Habitat Dégradé 64” plana martxan jarriz. Beren bizitokietan bizi diren jabeekin eta bizitoki-alokatzaileekin batera, etxebizitzak birgaitzen ditu.

Horretarako, bizitoki ez duinari eta energia-prekarietateari buruzko interes orokorreko programa (PIG) sortu du, Pirinio Atlantikoetako departamendu osoan.