Beneficiar deu Reviengut de Solidaritat Activa (RSA)

Hèit entà encoratjar l'activitat professionau e lutar contra l'exclusion, lo Reviengut de Solidaritat Activa (RSA) qu'ei en vigor deu 1^èr de junh de 2009 enlà, en França metropolitana.

·         que guaranteish un reviengut minímum aus qui n’an pas nada ressorça

·         que pòt tanben estar autrejat a monde qui tribalhan dejà e qui an revienguts totun limitats. Lavetz, lo son montant que depen a l'encòp de la situacion familiau e deus revienguts deu larèr.

- Quauqu'un qui tribalha dejà que pòt saber si ei eligible au RSA "complement d'activitat" en har ua simulacion en linha suus sites  :

www.msa.fr
 

Si la responsa ei positiva, que pòt har lavetz la soa demanda de RSA au près de la CAF o de la MSA. 

-         Los qui ne tribalhan pas que pòden anar a la Maison de la solidaritat departamentau, au CCAS, a la CAF o a la MSA dont dependen entà hà'i la lor demanda de RSA. Un còp la demanda tractada, que poderàn estar virats de cap tà un referent qui'us acompanharà tau lor camin d'insercion. Aqueth interlocutor que'us poderà orientar ad arron, segon deu lor perhiu e deus lors besonhs, de cap tà accions d'insercion autanplan sociaus (santat, lotjament...) com professionaus.

Aqueras mesuras d’acompanhament e de seguit qu'aplègan tots los intervienents deu RSA qui son lo Conselh generau, las CAFs, las MSAs e los CCASs.