Assegurar la gestion duradera deus arrius

La politica departamentau de cap taus arrius qu'ei definida en partenariat dab l’Agéncia de l’aiga. Qu'ei hicada en òbra, au nivèu d’ua ola versanta per mèstes d’obratge intercomunaus. 
Qu'a los objectius qui segueishen :
Preservar la vita dens los demieis aquatics
 
A la horcada de la gestion deus arrius e deus espacis naturaus sensibles, lo Departament que s'avisa de las zònas umidas (saligas, bartas, torbèras...), zònas tampon vertadèras qui participan a la qualitat de l'aiga, e a la biodiversitat.
Que participa financèrament tà restaurar e entertiéner la mair e las arribas deus arrius, tà mantiéner lo debit d’estiatge, tà amelhorar dispositius de trespassatge deus peishs migrators…
Preservar los lòcs poblats de cap aus aigats
Lo Conselh generau qu'acompanha financèrament e tecnicament las collectivitats entà realizar tribalhs tà emparar los endrets poblats.