Arcuélher lo mainat e ajudar au son desvelh

> Entà informacions mei :

Contactatz la
Maison de la solidaritat
mei pròcha de vòste.

Espiatz la lista de las ajudas mairaus e de las ninoèras deu departament : www.mon-enfant.fr

Entà respóner aus besonhs de las familhas, lo Servici Departamentau de Proteccion Mairau e Infantila (PMI) qu'envia las familhas de cap taus mantuns biais de guarda.

Que desliura las autorizacions d'obertura deus establiments d'arcuelh collectiu (ninoèras) e que participa financèrament a la lor creacion. Que balha tanben los agradaments tà las ajudas mairaus.

Que parla de contunh dab la direccion de cada establiment entà guarantir la qualitat de l'arcuelh. Las ajudas mairaus aprovadas que receben la visita d'ua puericultora qui verifica la qualitat de las condicions d'arcuelh e que s'està a la lor disposicion entà ajudar-las tà la lor activitat.

Lo Conselh generau e la CAF que publican sus internet la lista de las ajudas mairaus e de las ninoèras deu departament : www.mon-enfant.fr.

De mei, que i son 12 lòcs d’arcuelh capvath deu departament on parents e mainatges e pòden realizar activitats comunas. La CAF e lo Conselh generau que'us finançan e que hica a la lor disposicion personau entà'us animar.
Obèrts que son aus mainatges de mensh de sheis ans, acompanhats deu(s) lor(s) parent(s) o d'un adulte de qui coneishen, entà participar a moments conviviaus de jòcs e d'escambis. Aqueth arcuelh qu'ei a gratis la màger part deu temps.
Professionaus formats a l’escota que i arcuelhen las familhas.
Espiar la lista d'aqueths lòcs suu site www.mon-enfant.fr
Que son en ligam dab lo Hialat Empara Parent (RAP, Réseau Appui Parent).