Amainatjar e entertiéner los sendèrs de rondalei

Lo Conselh generau que dedica un budget bèth tà crear e entertiéner un hialat coërent e estructurat de rondalei de qui a la competéncia. Uei lo dia, lo Conselh generau deus Pirenèus Atlantics qu'a obèrt au public un hialat de 1 000 km de camins de gran rondalei e de 5 500 km de petit rondalei. Peus mei coneguts : los camins jaqués, lo « GR® 10 », lo sendèr litorau, etc.

Aqueras iniciativas que s’inscriven en la volontat de har descobrir lo patrimòni autament e de desvolopar las practicas esportivas e sustot los espòrts en plea natura. Per exemple, lo Conselh generau qu'adobè lo sendèr litorau. Qu'ei un camin costèr long de 25 km, qui trauca la còsta basca de Bidart dinc a la punta de Sokoburu (Endaia). Situat au ras de la còsta, aqueste camin que permet aus rondalejaires de s’espiar la mar e los beròis paisatges peu torn.
Tots los itineraris amainatjats per las comunitats de comunas qu'estón editats. Los guidas de rondalei Rando64 que son disponibles dens los oficis de torisme deu departament.