Ajudar lo mantien a casa deus vielhs

L'ajuda domestica qu'ei ua prestacion legau, acordada aus qui an besonh, entà demorar a casa, d'ua ajuda materiau entà har los actes de la vita vitanta.

Qu'ei balhada concretament dab servicis domestics, o segon las condicions en espècias, dab ua allocacion.
Aquera allocacion que pòt estar balhada dab las medishas condicions com la prestacion d'ajuda domestica si n'i a pas per la comuna de servici d'ajuda a casa abilitat o si n'ei pas pro bèth, o dab ua demanda especifica deu beneficiari.

Lo montant d'aquera allocacion non pòt pas passar 60% deu còst deus servicis domestics qui pòden estar autrejats au beneficiari e dab lo limit de 20 òras per mes entà quauqu'un de solet, e 32 òras entà un coble acasats.
Las condicions d’autrei, de delai e de procediment que son las medishas com las de l'ajuda domestica.

Ua participacion financèra que demora a la carga deu beneficiari, lo son montant qu'ei fixat tot an peu President deu Conselh generau.

Entà har ua demanda :
Tota demanda d’ajuda sociau tà la presa en carga deus frais d’ajuda domestica que deu estar pausada au près deu C.C.A.S, deu C.I.A.S o de la Mairia de la comuna deu domicili de secors deu demandaire qui constitueish lo dossièr e qui'u transmet dens un delai d’un mes aus servicis deu Departament (Pòles gerontologics de referéncia).

L'ajuda sociau que pòt préner en carga las despensas de repaish en larèr restaurant o los repaishs portats a casa per un servici abilitat tà l’ajuda sociau. Aqueths mantuns servicis que horneishen aus vielhs repaishs a prètz moderats.

Los beneficiaris que participan aus frais de repaish. La lor participacion qu'ei compresa enter un minímum e un maxímum fixat tot an peu President deu Conselh generau.
Los frais de repaish en larèr restaurant ne pòden pas estar autrejats si lo beneficiari a dejà ua ajuda entà la presa en carga deus frais d'aubergament au títol de l'ajuda sociau dens un larèr lotjament abilitat.

Tota demanda de presa en carga deus frais de prestacion repaish qu'a d'estar posada au près deu C.C.A.S, deu C.I.A.S o de la Mairia de la comuna deu domicili de secors deu demandaire qui constitueish lo dossièr e qui'u transmet dens un delai d’un mes au pòle gerontologic de referéncia.

Lo Conselh generau que contribueish au finançament deus tribalhs tà amelhorar e tà adaptar lo lotjament deus vielhs aus lors besonhs navèths.
Los dossièrs que son hèits e instrusits peus PACT-H&D Bearn Bigòrra e País basco.