Ahortir l’atractivitat economica deu territòri

Lo Conselh generau que tribalha entau desvolopament de las infrastructuras d’arcuelh de las activitats productivas.

Que finança la crompa de resèrvas fonsièras, l'amainatjament de zònas d'activitats, e la creacion de plantanhas o d'ostaus d'enterpresas, iniciats per Comunitats de comunas.

Lo Conselh generau qu'a hèra participat a la creacion e a l'ahortiment de bèths projèctes estructurants entà la soa economia :

Los pòles aeronautics de Baiona-Anglet-Biàrritz, nomenat Technocité, e lo de Bòrdas-Assat, nomenat Aeropolis, que compausan lo pòle de competitivitat « Aerospace Valley » comun a las regions Aquitània e Mieidia-Pirenèus, arron lo tèma de l’aeronautica, de l’espaci e deus sistèmas embarcats.

Lo GIP CHEMPARC qu'ei lo referent tà çò de la prospeccion de projèctes industriaus dedicats a la quimia e a l’energia entà l'ola industriau de Lac. Los tribalhs de CHEMPARC qu'an sustot permetut l’implantacion d’ABENGOA BIOENERGY e qu'an aviat la construccion de la futura plantanha CHEMSTART’UP.

En crear infrastructuras navèras, en amelhorar las qui i son dejà, lo Conselh generau que desvolòpa l’atractivitat deu territòri.

Dab l'idea de dar aus Pirenèus Atlantics, aus sons poblants e a las soas enterpresas, los mejans d’entrar a de bonas dens la Societat de l’Informacion, lo Conselh generau que s'engatgè, mantuas annadas a, dens ua accion de cap tà las TIC, que sia tà çò deus hialats haut debit tau com tà çò deus emplecs de las TIC.

Tà'n saber mei : Un site internet entaus investidors