Acompanhar la grossessa, la neishença e sostiéner la parentalitat

> Entà informacions mei :

Contactatz la Maison de la solidaritat mei pròcha de vòste

La proteccion mairau e infantila (PMI)

La PMI qu'acompanha los cobles, las hemnas embarrassadas, los parents e los lors mainats. Que poderàn encontrar, dens la Maison de la Solidaritat (MSD) mei pròcha d'on demoran, ua equipa de professionaus qualificats qui'us arcuelherà e qui'us conselharà : mètges, puericultoras, mairolèras, psicològues.

Los cobles qu'i pòden trobar rensenhaments arron la contracepcion, lo despistatge deu Sida e de las malaudias sexuaument transmissiblas, un conselh familiau e conjugau.
Las hemnas embarrassadas qui ac demandan que son acompanhadas per la mairolèra de PMI, sustot tà las situacions quan an besonh un sostien.
Los parents que pòden encontrar un mètge, ua puericultora, ua ajuda sociau...

Lo Servici de PMI que hè tanben examens medicaus preventius deus mainats dens las escòlas mairaus ; qu'intervien dens los Establiments d'Arcuelh Petita Enfància, et dens l'agradament, lo sostien e lo seguit de las ajudas mairaus e ajudas familiaus.